Një çift të moshuarish në Korçë kanë përjetuar një natë të frikshme, ku dy persona të maskuar i kanë dhunuar. Dy persona ende të pa identifikuar, kanë hyrë në banesën e çiftit të moshuar në Korçë, duke i kanosur, dhunuar dhe më pas u kanë marrë një shumë parash prej rreth 500 mijë lekësh të vjetra.
Policia lokale ka raportuar se njëri prej tyre ka qenë i armatosur. Në sajë të dëshmive të para, mësohet se grabitësit kanë qenë të maskuar. Ata kanë goditur në krah dhe në këmbë çiftin e moshuar.
Njoftimi i policisë:
Më datë 14.10.2019, rreth orës 21.45, në lagjen nr.3, dy persona ende të pa identifikuar, dyshohet se njëri kishte armë zjarri tip pistoletë, kanë hyrë në banesën e shtetasve F.R dhe A.R, rreth 85 vjeç, duke ushtruar dhunë psikologjike, kanë marrë një sasi lekësh dhe më pas janë larguar me shpejtësi.
Dy të moshuarve u është dhëna ndihma e parë mjekësore, pa probleme për jetën.
Grupi hetimor po punon për identifikimin dhe kapjen e autorëve, si edhe zbardhjen e plotë të rrethanave të ngjarjes.
