Një 32 vjeçare është ndaluar nga blutë e Durrësit, pasi ishte shpallur në kërkim për “Mashtrim”. Bëhet fjalë për shtetasen me inicialet E.B., 32-vjeçe, e cila ishte shpallur në kërkim, pasi akuzohet për veprën penale të mashtrimit. Kjo shtetase ka mashtruar dy shtetas, duke ju shitur bileta të falsifikuara të një agjencie turistike.
“Në vijim të punës për kapjen e personave në kërkim, Specialistët Kundër Krimit Ekonomik dhe Financiar në Drejtorinë Vendore Durrës, pas informacioneve të siguruara në rrugë operative, në lagjen nr 6 në Durrës bënë të mundur ndalimin e shtetases E.B., 32 vjeçe, banuese në Durrës”, thanë blutë e qytetit bregdetar.
“Ajo ishte shpallur në kërkim, e dyshuar për veprën penale të mashtrimit.
Kjo shtetase ka mashtruar dy shtetas, duke ju shitur bileta të falsifikuara të një agjencie turistike.
Materialet i kaluan Prokurorisë Pranë Gjykatës së Shkallës së Parë Durrës, për veprime të mëtejshme”.
