Gjykata ka dhënë ditën e sotme masën e sigurisë për 15 biznesmenët e arrestuar, të akuzuar si të përfshirë në skemën e mashtrimit me TVSH-në. Me vendim të Gjykatës, janë liruar me masën “arrest shtëpie” 9 prej biznesmenëve të arrestuar, ndërsa për 6-të të tjerë është vendosur masa arrest me burg me afat 20 ditor.
Masat e sigurisë për biznesmenët:
1. Ilia Dimo arrest shtëpie;
2. Vasil Korita afat 20 ditë;
3. Shpëtim Prodani arrest shtëpie;
4. Besnik Pelivani afat 20 ditë;
5. Vangjel Mbrice afat 20 ditë;
6. Shpresa Joanidhi arrest shtëpie;
7. Ndue Ndreca afat 20 ditë;
8. Paqsori arrest shtëpie;
9. Ardian Bejko arrest 20 ditë;
10. Astrit Lala arrest shtëpie;
11. Fatmir Firi arrest 20 ditë;
12. Baftjar Kurti arrest shtëpie;
13. Riza Roshi arrest shtëpie;
14. Tapo Baduni arrest shtëpie;
15. Haxhi Sala arrest shtëpie.
Prokuroria fillimisht kishte kërkuar “arrest me burg” për 14 prej tyre dhe “arrest shtëpie” për Shkëlqim Prodanin, por gjatë seancës, prokuroria ka ndryshuar qëndrim për disa prej tyre, bazuar mbi arsyet shëndetësore dhe familjare të tyre. 15 biznesmenët u vunë në prangat e policisë më 4 shtator, në kuadër të hetimeve disa mujore nga Sektori i Krimit Ekonomik në Policisë e Shtetit, ndërsa sot u arrestua edhe një tjetër person i dyshuar si pjesë e skemës mashtruese.
