Kryetari i Kuvendit Gramoz Ruçi në nisje të seancës plenare foli për limitimin e kohës së diskutimit në sallë.
Ai theksoi se masat ndaj koronavirusit duhen zbatuar me përpikmëri.
“Kjo bëhet për të dhënë shembull për qytetarët për zbatimin e rregullores, por edhe për të ruajtur jetën e parlamentarëve. Ne nuk kemi bërë ndonjë shpikje për këtë çështje dhe nëse krahasohemi me vendet e tjera, kemi kufizuar vetëm kohën e diskutimit.
Kjo bëhet për të qenë ne të parët që zbatojmë rregullat, por edhe për të mbrojtur jetën tonë. Këshilli i Ministrave ka depozituar projektligjin për përjashtim të afateve për përgatitje të dokumenteve në 2020″, u shpreh Ruçi.
