Kryeministri Edi Rama ka sqaruar qytetarët në lidhje me kufizimet e transportit dhe furnizimin me mallrat ushqimore.
Përmes një postimi në Facebook, Rama shprehet se të gjithë ata që prodhojnë apo transportojnë ushqime nuk do kenë asnjë kufizim në lëvizjen e mallit.
Kreu i qeverisë deklaron se fasha orare 05.00 – 13.00 kufizon vetëm konsumatorët dhe punonjësit e sektorit publik apo privat që dalin akoma në punë.
Rama thotë se prodhuesit, transportuesit dhe furnizuesit e mallrave janë garantët e mëdhenj të kësaj rezistence.
Postimi i plotë:
Në përgjigje të shqetësimeve tuaja mbi lëvizjen për transport dhe furnizim mallrash ushqimore:
? TË GJITHË ATA QË PRODHOJNË DHE TRANSPORTOJNË USHQIME, NË FSHAT A NË QYTET, NUK KANË PASUR DHE NUK KANË ASNJË KUFIZIM NË LËVIZJEN E MALLIT PËR TË KRYER FURNIZIMET E NEVOJSHME TË TREGUT!
? ORARI 05.00 – 13.00 KUFIZON BRENDA KËSAJ FASHE KOHORE KONSUMATORËT DHE PUNONJËSIT NË SEKTORIN PUBLIK APO PRIVAT QË DALIN AKOMA NË PUNË, JO TRANSPORTIN DHE FURNIZIMIN E MALLRAVE USHQIMORE!
? MIRËNJOHJE TË GJITHË PRODHUESVE, TRANSPORTUESVE DHE FURNIZUESVE TË MALLRAVE USHQIMORE, NË FSHAT E NË QYTET, QË JANË SOT GARANTËT E MËDHENJ TË REZISTENCËS POPULLORE
