E mërkurë, 4 Gusht, 2021
35.5 C
Tirana

Masakroi gruan me thikë në stallën e lopëve, çfarë ndodhi sot me vras*sin

Specialistët për Hetimin e Krimeve në Komisariatin e Policisë Krujë, bënë arrestimin në flagrancë të shtetasit Artan Ismalaja, 51-vjeç, banues në Tiranë, (në ambientet e spitalit), pasi dje vrau gruan e tij Klarita me thikë. Pasi bashkëshortja e tij ndërroi jetë, Ismalaja ka tentuar të vetëvritet, duke e goditur veten me thikë në qafë.

Njoftimi i policisë

“Specialistët për Hetimin e Krimeve në Komisariatin e Policisë Krujë bënë arrestimin në flagrancë të shtetasit A. I., 51 vjeç, banues në Tiranë, (në ambientet e spitalit), pasi ditën e djeshme, në Bubq, Krujë, ka goditur me mjet prerës (thikë), bashkëshorten e tij, shtetasen K. I., e cila ndërroi jetë. Materialet i kaluan Prokurorisë së Rrethit Gjyqësor Krujë dhe Prokurorisë së Rrethit Gjyqësor Durrës, për veprime të mëtejshme”.

Çifti, prindër të dy djemve, ku më i madhi është 23-vjeç, jetonin prej vitesh në Tiranë. 51-vjeçari, është me profesion kameraman dhe ka një biznes pranë Fakultetit të Inxhinierisë së Ndërtimit në kryeqytet. Ndërkohë ka shumë pikëpyetje mbi vrasjen në fjalë, pasi çifti jetonte në Tiranë dhe vrasja ndodhi në Krujë. Për më tepër mësohet se çifti ka qenë duke ecur me makinë dhe kanë hyrë brenda rrethimit të një magazine. Artani dhe Klarita kanë hyrë brenda territorit të objektit duke ndjekur një kamion, i cili është futur për të shkarkuar ushqim për lopët, pasi magazina është stallë lopësh.

Vrasja, për xhelozi

Fqinjët e prindërve të Klarita Ismalaja, kanë thënë se ajo mund të jetë vrarë nga bashkëshorti për xhelozi. Kohët e fundit mes tyre kishte nisur dhe një debat për një strehim të ri për nënën dhe babain e 45-vjeçares. Ajo i kishte kërkuar Artanit, bashkëshortit që t’i blinte prindërve të saj një shtëpi të re, jo në periferi të Fushë-Krujës ku ata banojnë, por në Bubq. Si për ironi të fatit, ai i morri jetën nënës së dy djemve në Bubq, brenda ambienteve rrethuese të kësaj fasonerie rreth orës 10:45. 51-vjeçari e theri me thikë brenda makinës së tyre tip “Ford”.

Më pas Artan Ismalaja tentoi vetëvrasjen me të njëjtën thikë. Ka qenë roja i biznesit që ju afrua makinës, dhe pikasi trupat e tyre të mbuluar me gjak. Për të shmangur dëshmitarët, Artani e ka futur makinën në një zonë të vështirë në fshatin Bubq, për të ndaluar brenda një muri rrethues, që i përket një fasonerie.

Roja i magazinës

Në deklarimet që ka dhënë në polici roja i magazinës, i cili gjeti i pari çiftin, kishte menduar se ata ishin në momente intime. Kur është afruar për t’i larguar nga oborri i magazinës, ka parë trupin e gruas të mbuluar me gjak.

“Fillimisht mendova se ishin në momente intime dhe u afrova për t’i larguar, por më pas pash viktimën të mbuluar me gjak, atëherë njoftova policinë”, kështu është shprehur punonjësi i sigurisë në dëshminë e tij për policinë, lidhur me krimin e ndodhur paraditen e djeshme në fshatin Bubq të Krujës. /Tirana Today

- Reklama -

Më shumë nga kategoria




Të fundit

I mori jetën gruas/40-vjeçari: Po e përgjoja, kishte një lidhje jashtëmartesore

Shqiptari Florand Shehu i cili masakroi me thikë gruan e tij para disa ditësh në Greqi, ka rrëfyer para autoriteteve se nuk ishte në...

VIDEO/Rama i shpalli ‘luf*ë të hapur’, Peleshi shfaqet me Dritan Lelin në Vlorë

Situata me zjarret është përkeqësuar gjatë ditëve të fundit. Flakët kanë mbërritur edhe në zonat e banuara, duke ndezur sinjalin SOS në Gjirokastër, Dukat,...

Verbëria e rutinës së dorëzimit të përditshëm

Nga: Agim Baçi Shpesh njerëzit tregohen të verbër, ose bëjnë sikur!”, tha shkrimtari portugez Jose Saramango në ceremoninë e marrjes së çmimit “Nobel” në vitin 1998, duke...

Humbi jetën mes flakëve/ Shoku i viktimës: Nuk kishim zjarrfikëse

Detaje të reja të rënda kanë dalë në dritë lidhur me ngjarjen e rëndë ndodhur dje në fshatin “Asim Zeneli” në Gjirokastër, ku mbeti...

E vr*u për pronën/ “I trembem hakmarrjes”, vëllai i vras*sit kërkon mëshirë

Pak ditë më parë, një sherr mes kushërinjve për pronën në Lushnje përfundoi me një të vrarë. Autori i krimit, Kastriot Hasalla pritet të...