Presidenti Ilir Meta ka reaguar në lidhje me deklaratat e presidentit serb, Aleksandar Vuçiç për masakrën e Reçakut.
I ftuar në emisionin ‘360 Gradë’ në Ora News, Meta tha se të quash masakrën e Recakut një trillim është e papranueshme nga ana e Vuçiç.
Kreu i shtetit u shpreh se kjo deklaratë e tij është një provokim për shqiptarët.
“E papranueshme të thuash që masakra e Reçakut ishte një trillim, sepse kjo do të thotë se ti mohon një gjenocid të kryer të zemër të Evropës. Kjo nuk mund të pranohet, sepse nesër ai mund të thotë se Srebrenica nuk ka ekzistuar etj dhe kjo nuk mund të pranohet. Ai nuk duhet të provokoje shqiptarët dhe bashkëpunimin rajonal”, tha ai.
