Arbër Hajdari dhe partnerja e tij, Vlera Devolli, mbrëmjen e sotme kurorëzuan në martesë dashurinë e tyre 5-vjeçare. Në këtë mbrëmje magjike nuk kishin si të mungonin njerëzit e zemrës, familjarët, miqtë por edhe personazhe të njohur publikë si edhe figura politike, duke nisur nga kryetarja e Kuvendit Lindita Nikolla, ish-presidentët Bamir Topi, Alfred Moisiu dhe kryetari i BDI-së në Maqedoninë e Veriut, Ali Ahmeti.
Urimi emocionues i babait të dhëndrit për çiftin ishte po kaq special. “Të nderuar familjarë dhe miq të afërt të familjes time, të Arbërit dhe Vlerës, mirë se keni ardhur! Ju falenderojmë nga zemra gjithsecilin nga ju, që na keni nderuar në këtë gëzim tonin, veçanërisht të afërmit dhe miqtë që kanë ardhur nga SHBA-ja, Kanadaja, Gjermania, Italia, Greqia dhe Rumania.
Paçi vetëm gëzime në familjet tuaja! Po ashtu një falenderim për artistet e ftuar që do na shoqërojnë në këtë gëzim, Enxhelën, Valbonën, Genën, Klajdin dhe Brunon, grupin e valleve, të tupaneve… dhe të ftuarin special ikonen e klarinetës “Mjeshtrin e madh”, Hekuran Xhambali.
Besoj se artistët do na gëzojnë sonte duke interpretuar muzikë të larmishme për çdo moshë dhe nga të gjitha trojet e trevat e kombit tonë. Për të mos e zgjatur: Më lejoni që në emër te dy familjeve dhe të gjithë miqve të ftuar, ti urojmë Arbërit dhe Vlerës, jetë të gjatë e të lumtur bashkëshortore!
Zoti ju trashëgoftë me pasardhës, qofshi urë lidhëse e Shqipëri-Dardani, që ka qenë, është dhe do të jetë një. Zoti qoftë dëshmitar dhe e pastë nën mbrojtjen e Tij, kurorëzimin e dashurisë tuaj në martesë. Amin”, tha Shkëlqim Hajdari.
View this post on Instagram
