Themeluesi i “Fundjavë Ndryshe”, Arbër Hajdari dhe partnerja e tij Vlera Devolli, kanë kurorëzuar dashurinë e tyre 5-vjeçare në martesë.
Vlera ka zgjedhur të jetë një nuse e thjeshtë, me një fustan shumë fin, ashtu si të gjithë detajet e tjera.
View this post on Instagram
Ndërkohë, mbrëmjen e sotme priten krushqit nga Kosova. Vetë Arbri ka postuar disa foto nga kjo ditë speciale për të.
“E dashur Vlera, zemra ime! Sonte po kurorëzojmë dashurinë tonë prej 5 vitesh, në martesë. Lus Zotin të kemi jetë të lumtur!”, shkruan ai.
Historia e njohjes së tyre është njësoj si në filma, Arbri nuk ishte aspak në kërkim të dashurisë. “Vlera është një karakter i veçantë sepse është një personazh që në fillim kur e kam takuar, kam qenë për një punë në Kosovë, për të hapur “Fundjavën” në Kosovë.
Jo dhe Vlera as nuk është prezantuar se kush ishte, dhe ka qenë familja e saj që donte të na ndihmonte për një zyrë për Fondacionin atje. Teksa po na tregonte vendin atje, thotë “A po ju duhet diçka tjetër?”, se është edhe ajo gjuha që flasin shqiptarët e Kosovës që unë tashmë jam mësuar, por më mori pak kohë. Pashë tek ajo, më pëlqeu fortësia, karakteri i fortë që transmetonte dhe jam kthyer në Tiranë me shumë mendime. Nuk isha nisur fare, as nuk isha në kërkim të një personi sepse totalisht i angazhuar në to punët e mia dhe unë që mendoja “po të gjej një njeri tani, do më marrë më tepër kohë dhe nuk do të merrem dot me punën”, por Vlera është një nga gjërat më të bukura që ka ardhur në jetën time dhe ka ardhur në kohën e duhur, është nga ata njerëz që më jep energji, më mbështet në çdo projekt që kam dhe anasjelltas. Edhe unë jam një përkrahës i saj. Pra mendoj që jemi një çift i mire”, ka deklaruar më herët Drejtori Ekzekutiv i Fondacionit “Fundjavë Ndryshe”.
View this post on Instagram