Ditën e sotme u caktua trupa gjykuese e cila do të vendosë fatin e dosjes së ish-ministrit të Brendshëm, Saimir Tahirit. Dritan Zagani, ish-shefi i antidrogës së Fierit ka reaguar me anë të një statusi në Facebook ka sulmuar Flora Hajredinajn, anëtare e trupës gjykuese.
Sipas Zaganit, gjyqtarja e Krimeve të Rënda, ishte ajo që vendosi ta lërë në burg atë përtej afateve dhe tani do të vendosë për akuzat ndaj Saimir Tahirit.
Dritan Zagani thekson se ai është lënë në burg përtej afateve, ndërkohë që gjyqtarja vendosi që ta kalojë në arrest shtëpie, ndërsa sipas tij, Saimir Tahirin e ka lënë në gjendje të lirë.
“VETING: Gjyqtarja e Krimeve të Rënda Flora Hajredinaj, që në 2014 me kërkësë të palo-prokurorit, Anton Martini dhe porosi të Sajës më mbylli mua për 6 muaj në burg, dhe pas shkeljes së afateve me 8 ditë nga Prokurori i “hekurt” Anton Martini, në vend të lirimit të menjëhershëm si e parashikon ligji për shkelje të tilla, po më marrëveshje të zeza më kalon në “arrest shtëpie”.
Sot rreth 5 vjet mbas, lexoj në media që e njëjta gjyqtare e nderuar është pjesë e treshes që do na gjykoje të pandehurin, Sajmir Tahiri për veprën “Trafik ndërkombëtar droge” në bashkëpunim etj vepra të renda, ku i pandehuri është në gjendje të lirë.
Pra o shqiptare ky është një nga arritjet me të forta që ky “veting” na e solli drejtësinë tonë të korruptuar në një zhdrejtësi brilante.
Vlen të përmendim me këtë rast si arritje e vetingut edhe së shpejt do kemi palo-prokurorin Anton Martini një nga anëtarët më “brilant” të SPAK-ut.
P.S…Si t’ia ve emrin kësaj që po ndodh me zhdrejtësinë tonë të kalbur, se veting për t’u bërë Drejtësi nga sa ndodh nuk ka gjasa të jetë!?!?!?”, thekson Zagani në Facebook.
