Presidenti Ilir Meta ka reaguar lidhur me zërat se mes tij dhe kryeministrit Edi Rama ka pasur një marrëveshje.
Kreu i shtetit u pyet gjatë konferencës së sotme për shtypin se nëse ka pasur një pakt për “ok” e kreut të Kontrollit të Lartë të Shtetit, në këmbim të ligjit për “Eurobondin”.
Meta e ka mohuar këtë gjë, duke theksuar se ka kaluar vetëm ato ligje të cilat i cilësonte si në përputhje me Kushtetutën e vendit.
Pyetje: Grupi i PS dha “ok” për kreun e KLSH, flitet për një marrëveshje që iu të miratoni dekretin për Eurobondin…
Meta: S’ka asnjë marrëveshje të tillë. Unë nuk merrem me thashetheme. Çdo gjë që është në përputhje me Kushtetutën firmoset menjëherë, çdo gjë tjetër me probleme, kthehet për reflektim.
