Lidhur me arritjen e marrëveshjes për Reformën Zgjedhore në Shqipëri, ka reaguar edhe Sekretari Amerikan i Shtetit, Mike Pompeo.
Përgjatë një deklarate për shtyp, Pompeo pohoi se e mirëpret marrëveshjen ndër-partiake të Shqipërisë, e cila sipas tij do të forcojë demokracinë.
“Unë gjithashtu mirëpres marrëveshjen ndër-partiake të Shqipërisë për Reformën Zgjedhore, e cila do të forcojë demokracinë dhe do të forcojë më tej të ardhmen evropiane. Ne inkurajojmë të gjithë palët e interesuara të zbatojnë këtë marrëveshje politike”, deklaroi Pompeo.
