Drejtori ekzekutiv i Interit, Giuseppe Marotta, është takuar me Mauro Icardin dhe Wanda Naran. Të dyja palët kanë qenë të interesuar për të gjetur një zgjidhje të situatës aktuale dhe duket se kanë hedhur në “tavolinë” zgjidhjet e mundshme, për të arritur në një akord.
Interi me anë të një komunikate zyrtare në faqen zyrtare ka bërë të ditur se është mbajtur një takim.
L’Amministratore Delegato Sport dell’Inter Giuseppe Marotta ha incontrato nella giornata odierna @mauroicardi e Wanda Nara.
Si è trattato di un incontro cordiale volto alla ricerca di una soluzione nell’interesse di tutte le parti coinvolte #FCIM— Inter (@Inter) March 6, 2019
“Drejtori ekzekutiv i Interit, Giuseppe Marotta u takua sot me Mauro Icardin dhe Wanda Naran. Ishte takim i përbashkët me synimin për të gjetur një zgjidhje në interes të të gjitha palëve të përfshira”, shkruan në komunikatën e Interit.
Mauro Icardi ka refuzuar së fundmi që të zbresë në fushë me skuadrën me justifikimin se është i dëmtuar në gjurin e djathtë. Megjithatë, stafi mjekësor i Interit pas testeve ka thënë se argjentinasi nuk ka lëndim dhe po i shmanget ndeshjeve me skuadrën.
Sipas mediave italiane thuhet se është arritur një akord paraprak që Icardi të jetë i grumbulluar në derbi përballë Milanit, nga ana tjetër ai ka kërkuar shiritin e kapitenit por përgjigja e Marottës ka qenë kategorikisht jo.
Mauro Icardit iu hoq shiriti i kapitenit pas një varg polemikash mes bashkëshortes dhe agjentes së tij, Wanda Naras me klubit zikaltër për renovimin e kontratës.
