Diego Armando Maradona u nda nga jeta në mënyrë të papritur, në moshën 60-vjeçare. Legjenda e futbollit Diego Armando Maradona, u operua në tru në fillim të këtij muaji, ndërsa vijonte mjekimin në shtëpi. Sipas mediave argjentinase, Maradona pësoi arrest kardiak.
Ai në 30 tetor festoi 60-vjetorin e lindjes, ndërsa pak ditë më pas iu nënshtrua ndërhyrjes në tru. Mediat e huaja aludojnë se ikona e futbollit argjentinas, nuk pati një vdekje për shkaqe natyrale, duke nënkuptuar se ai u vra. Në fakt këto zëro u konfirmuan pas dëshmisë së infermieres së turnit në shtëpinë e tij, e cila gënjeu mbi raportin e 60-vjeçarit.
Raportohet se shefat e shëndetësisë u thanë mjekëve të parë që arritën në shtëpinë e Maradonës: “Thirrni prokurorët dhe policinë. Ne nuk duam një rast tjetër të Garcia Belsunce”. Ata mesa duket i referoheshin vrasjes së pazgjidhur të sociologes argjentinase Maria Marta, vdekja e së cilës fillimisht u trajtua si një aksident, kur trupi i saj u gjet në një banjë.
Në Argjentinë kanë nisur hetimet, për të konstatuar nëse Diego Maradona u vra apo ai vdiq nga një sulm në zemër, siç u raportua.
Një spital privat në Argjentinë ishte kontraktuar për t’u kujdesur për Diego Maradona, por për fat të keq legjenda e futbollit nuk ia doli.
Argjentinasi luajti për klubet më të mëdha si Boca Juniors, Napoli dhe Barcelona dhe u adhurua nga miliona tifozë në mbarë botën për aftësitë e tij të shkëlqyera.
Maradona, i konsideruar si një nga futbollistët më të mirë të të gjitha kohërave, fitoi Kupën e Botës me Argjentinën në vitin 1986, ku do të mbahet mend edhe për golin me dorë të shënuar kundër Anglisë.
