Nuk duket të gjejë paqe Maqedonia e Veriut, e cila vijon të regjistrojë shifra të larta të rasteve të reja me koronavirus.
Gjatë 24 orëve të fundit, vendi fqinj ka shënuar 193 raste të reja dhe 9 persona kanë humbur jetën si pasojë e COVID-19.
Rastet pozitive janë konfirmuar: 140 në Shkup, 2 nga Kumanova, 1 nga Dibra, 6 nga Shtipi, 19 nga Tetova, 5 nga Struga, 2 nga Velesi, 11 nga Ohri, 4 nga Gostivari, 1 nga Shën Nikolla dhe 2 nga Resnja.
Kështu shkon në 4,482 numri i përgjithshëm i rasteve të konfirmuara me koronavirus në vendin fqinj.
Sa i përket viktimave, 5 janë regjistruar në Shkup, dy në Kumanovë, një në Tetovë dhe një në Ohër.
