Në Maqedoninë e Veriut janë konfirmuar edhe 6 raste të reja me koronavirus, duke e çuar në 48 numrin total të të prekurve.
Ministri i Shëndetësisë, Venko Filipçe, bëri me dije se në mesin e të prekurve është edhe një vajzë 4-vjecare nga Shtipi. Raportohet se ajo është infektuar në një kopsht fëmijësh në Angli.
Familja e vajzës ndodhet në izolim që nga 14 marsi, kur edhe u kthyen nga jashtë. Vajza filloi të përjetonte simptomat e para pak ditë më parë, ndërsa dje u konfirmua se ishte me koronavirus.
Ndërsa 3 raste të reja të Covid-19 janë regjistruar në Dibër dhe një rast është regjistruar në Shkup. Pacienti ka qenë në kontakt me të diagnostikuar me koronavirus më parë.
Rasti tjetër është konfirmuar në Gostivar. Bëhet fjalë për një grua të kthyer nga Zvicra, e cila ishte në izolim në shtëpi. Edhe ajo ka qenë në kontakte me një pacient me koronavirus në Zvicër.
