Gjashtë persona kanë humbur jetën nga koronavirusi në Maqedoninë e Veriut, gjatë 24 orëve të fundit.
Viktimat janë nga Shkupi, Shtipi, Tetova dhe Resnja në mes të moshës 53 dhe 80 vjeçe. Kështu shkon në 256 numri total i personave që kanë humbur jetën nga COVID-19, në vendin fqinj.
Sipas mediave vendase, në 24 orët e fundit në vend janë shënuar 153 raste të reja me koronavirus. Prej këtyre: 66 raste janë regjistruar në Shkup, 13 në Kumanovë, 13 në Shtip, 2 në Prilep, 20 në Tetovë, 7 në Strugë, 1 në Manastir, 7 në Ohër, 1 në Kriva Pallankë, 1 në Koçani, 1 në Probishtip, 3 në Shën Nikollë, 6 në Kërçovë dhe 12 në Resnje.
Numri i përgjithshëm i pacientëve të diagnostikuar me Covid-19 në Maqedoninë e Veriut shkon në 5,595, prej të cilëve 3,164 raste janë ende aktiv.