Nga: Azgan Haklaj
Vendimi i kryesisë së Partisë Demokratike të Shqipërisë për thirrjen e kuvendit kombëtar e shfazoj Sali Berishën.
Në një konferencë urgjente doli para gazetarëve në panik. Berisha u kap në befasi si dhelpëra ne kurth.
Ai dhe sejmenët e tij nuk e kanë menduar se kryesia e Partisë Demokratike do të thërrasë kuvendin prandaj reaguan si një katjushkë e ndryshkur duke gjuajtur kuturu.
Ka disa ditë që kanë deklamuar me pompozitet se kanë mbledhur 4200 firma delegatesh e tani në vend që së bashku me delegatët e tyre të shpallnin pjesëmarrjen në kuvend bënë të kundërtën filluan sulmin dhe përforcuan qëndrimin për organizimin e kuvendit paralel për të “çertifikuar” struktura paralele ashtu si Dodiku në Bosnje-Hercegovinë apo Vuçiçi në Kosovë.
Tashmë edhe më naivët e kanë kuptuar skenarin djallëzor të Berishës duke manipuluar nostalgjikët me mbeshtetjen e trekëndëshit Bermuda.
Berisha nuk e ka hallin e Partisë Demokratike, demokracisë, pluralizmit politik, apo të shqiptarëve por të vetin dhe të familjes se tij mafioze të kryqëzuar nga SHBA, sepse po ta kishte do tu bënte thirrje firmëtarëve për të marrë pjesë në kuvendin kombëtar me dt 18 dhjetor’e të demostronte mazhorancën blu aty.
Në konferencën për shtyp para gazetarëve pamë një Berishë të denatyruar nga deshpërimi pas demaskimit publik të planit të tij ogurzi për rrembimin e opozitës me puç statutor duke kryer kështu mirëfilltazi grusht shteti.
Megjithëse në gjendje të renduar psikologjike ai nuk u dorëzua pas vendimit të kryesisë së Partisë Demokratike për thirrjen e kuvendit legjitim me dt 18 dhjetor’, por i qëndroj stoik thirrjes së “kuvendit”, mitingut paralel me dt 11.
Në konferencë para gazetarëve pamë një Berishë të stërfishtë.
Nga njëra anë fliste me një gjuhë mikluese, thirrje për bashkim, për hapsirë për të gjithë, për bashkëjetesën e fraksioneve, për një revolucion paqësorë parimorë që të kujton revolucionin kulturor të Mao Ce Dunit e që u pasua dhe nga Enver Hoxha në Shqipëri, nga ana tjetër kërcënoj kryetarin e Partisë Demokratike të Shqipërisë Lulzim Bashën e strukturat e zgjedhura me votë të lirë dhe vendimet e kryesisë i quajti ilegjitime.
Berisha e shpalli kuvendin paralel jo statutor pa afat kohor që fillon me dt 11 e nuk dihet se kur mbaron, njëkohësisht i quajti firmëtarët guximtarë dhe misionarë të mbrojtjes së demokracisë.
Plani i tij diabolik të kujton Fyhrerin dhe Svastikan e tij simbol i mbeshtetësve të vet ”të stuhive – të stuhive” SS me të cilët realizoj operacionin “Nata e thikave të gjata”, operacion shumë i përgjakshëm ndaj kundërshtarëve në parti me dt 30 qershor të vitin 1934 shembëlltyrë e natës së Shën Bartolemeut në Francë të dt 24 gusht të vitit 1572, ku u masakruan mijëra hugeunotë.
Me dt 30 qershor të vitit 1934 Fuhreri në Gjermani zhduku çdo pengesë për konfirmimin e pushtetit të tij absolut.
Edhe sot e kësaj dite “Nata e thikave të gjata” organizuar nga Hitleri tmerron botën e civilizuar.
A do të arrijë Berisha mbështetur nga një pakicë të organizojë grusht shteti duke rrembyer opozitën dhe pushtuar institucionet e saj?!!
Kurrë!
Demokratët po kthjellohen nga dita në ditë dhe do të mbrojnë partinë misionare të lirisë.
Napoleoni i Fahri Balliut do të shpartallohet në sheshin Skenderbej ashtu si Napoleoni i madh në Vaterlo.
Berisha do të ia mbathë si Gruevski.
Shqipëria është vend i Natos e skenarët pansllavo- neootomanë do të deshtojnë turpshëm.
