Ylli Manjani refuzoi të jetë pjesë e listës së Lëvizjes Socialiste për Integrim, si kandidat për deputet, për zgjedhjet parlamentare të 18 qershorit.
Ilir Meta iu përgjigj pak më parë refuzimit të tij, kur tha se Ylli Manjani ishte pjesë e listës, por nuk e pranoi një gjë të tillë.
Ai vuri në dukje se ai ka komunikuar direkt me Manjanin dhe ky i fundit nuk kishte pse të mbante një qëndrim përmes një statusi në Twitter.
“Unë nuk komunikoj me statuse , aq më tepër me anëtarë të kryesisë, secili merr vendimin e tij. Unë përshëndes Luan Ramën dhe Vasilin për kontributin që kanë dhënë”, iu përgjigj Meta pyetjes së gazetarëve.
Rreth 1 orë më parë me anë të një postimi në Twitter, Manjani refuzoi propozimin për të qenë pjesë e listës, ndërsa i shprehet mirënjohës LSI-së.
“Jam propozuar për listë e jo për deputet! LSI-së vijoj t’i jem mirënjohës, por politika bëhet edhe si qytetar i lirë! Këtë kam bërë gjithmonë!”, citohet në mesazhin e Manjanit.
