Ish-ministri i Drejtësisë, Ylli Manjani, shprehet në komentin e tij të radhës se qeveria ende nuk ka një plan rindërtimi për godinat publike, ku vetë shteti është pronar.
Sipas tij, qytetarët janë ende në pritje për t’ju ndërtuar banesat, por duket se ky plan është i largët. Teksa ka shtuar dozën e ironisë, Manjani thotë se situata ka dalë jashtë kontrollit, dhe se qytetarët nuk duhet të mbajnë shpresat tek shteti.
Statusi
Akoma nuk ka një plan rindërtimi për godinat publike shkolla, spitale, mjedise të domosdoshme publike ku shteti është pronar.
Ndërkohë njerëzit presin që ky shtet t’u bëjë shtëpi…
Pra shteti që nuk rindërton pronën e vet do rindërtojë pronat e njerëzve.
Muhabet kot!
Në Dibër thonë: kali që s’mban as tagjinë e vet nuk është më kalë, s’i duhet më askujt.
