Nisur nga transferimi në Dibër i dosjes 184, ish-ministri i Drejtësisë, Ylli Manjani, ironizon hapur drejtësinë shqiptare. Sipas tij, kur bëhet fjalë për kompetencë, Prokuroria shqiptare nuk ka këllqe, ndërsa kur bëhet fjalë për zbatimin e urdhrave politik, atëherë kemi arrestime ‘të bujshme’. Me një koment ironizues, ai shkruan më tej se asnjë i arrestuar për politikë, nuk ka përfunduar i dënuar.
Statusi
Fjala e duhur që Prokuroria e përdor për veten është “moskompetencë”.
Fiks, po fare fiks!
Kompentencë do të thotë, para së gjithash, këllqe. Prokuroria e thotë vetë që :
Nuk i ka!
Ama kush proteston e ngre zërin kundër hajnave të votave, pushtetit e produkteve të tij, e ha. Aty po, shkëlqen prokuroria e cila është e gjitha nën varësinë e policisë politike…
“Shkëqen”, është fjala se në fakt edhe aty ka dështuar paq. Frikshëm fare!
Asnjë i arrestuar për politikë nuk ka përfunduar i dënuar… Ngaqë e kemi prokurorinë “kompetente”….
