Ministri i Drejtësisë, Ulsi Manja, kërkoi një ditë më parë që të vihet para drejtësisë ish-kryeministri Sali Berisha. Gjatë fjalës së tij në konferencën “Drejtësi në kohë sfidash”, Manja tha se Berisha duhet të hetohet për vrasjet e 21 Janarit, ‘Gërdecin’, çështjen Çez/Dia dhe kompleksin ‘Partizani’.
“Të hetohet roli i tij në 21 Janar, të hetohet roli i tij në Gërdec, të hetohet roli i tij në aferat e bujshme të Çez/Dias, apo klubit Partizani. Të hetohen edhe burimet financiare të djalit të tij, që atje në Amerikë është bërë edhe personazh filmash e librash… dhe nëse në të gjitha këto punë që nuk duken hiç të bardha, zotëria del i larë. Hajde t’i kërkojmë falje dhe t’i kërkojmë edhe Amerikës t’i kërkojë falje”, tha Manja.
Lidhur me këtë deklaratë të Manjës, ka reaguar Berisha i cili publikon një pjesë nga përgjimi i dosjes 184.
“Ulsiu i Narkopartise apo anetari i organizates kriminale 184 te narkoqeverise!”, shkruan Berisha në Facebook.
