Ka nisur manifestimi i thirrur nga presidenti Ilir Meta në bulevardin “Dëshmorët e Kombit”, manifestimin kundër atij që e konsideron një ‘grusht shteti’ të Rilindjes.
Manifestimit të presidenti Meta i janë bashkuar dhe të rinjtë e të rejat e PD, nën drejtimin e Sekretarit të Përgjithshëm të PD-së Gazment Bardhi dhe Sekretarit Organizativ, Sahit Dollapi.
Me argumentin se do të mbrojë Kushtetutën dhe kapjen e shtetit, Meta i ka bërë thirrje qytetarëve që të dalin në tubim.
Disa javë më parë, Kuvendi kaloi ligjin që i heq ekskluzivitetin e betimit tek presidenti për anëtarin e zgjedhur të Gjykatës Kushtetuese, duke provokuar një seri akuzash nga ana e presidentit.
