Ministrja e Shëndetësisë Ogerta Manastirliu gjatë një interviste televizive, i bëri apel qytetarëve që të mos entuziazmohen pasi virusi ende nuk është zhdukur.
Manastirliu gjithashtu bëri thirrje për ruajtjen e distancimit social, si një formë për të ndaluar përhapjen e COVID-19.
“Kemi më shumë risk të lartë në qytetet e mëdha. Tirana mban vendin e parë sa i përket rasteve aktive. Kruja po ashtu. Shkodra mbetet një qytet ku po punohet për gjurmimin e kontakteve. Dje kemi pasur 2 raste në Shkodër.
Në Fier kemi pasur një vatër familjare. Dua të apeloj qytetarët sa e rëndësishme është që të ruhet distancimi social. Në Fier, një familjar shkoi nga Tirana në Fier, duke i infektuar. Rregullat nuk duhen thyer, duhet të tregohemi të kujdesshëm.
Nuk duhet të entuziazmohemi dhe të kthehemi në normalitet. Duhet të ndryshojmë zakonet, me rregulla të reja që kemi 2 muaj në jetën tonë që i kemi.
Duhet të kemi shumë kujdes me sjelljen individuale. Vetëm kjo mund të na shpëtojë ne dhe familjarët nga ky virus shumë i rrezikshëm.
Sot kemi disa qytete me vatra infektimi ende aktive ku po bëhet hetimi epidemiologjik. Fazat të jenë sipas kalendarit që kemi vendosur.
Jemi në fazën e parë të rihapjes bazuar në planin nga Komiteti i Ekspertëve. Me këto të dhëna që kemi vijojmë në fazat e tjera.
Nga data 27 ne kemi kaluar 10 ditë dhe do të presim 2 javë për të bërë analizën e kurbës epidemiologjike. Kemi planifikuar të vijojmë me plane 2 javore, por me hapje 1 javore.
Të kemi dhe protokolle sigurie në çdo shërbim apo biznes. Protokollet e sigurisë për aktivitetet e lejuara po ndiqen me shumë rigorozitet nga trupa e Task-Forcës”, u shpreh ministrja.
