Si rrallë herë, sot Ministrja e Shëndetësisë Ogerta Manastirliu është vënë re se ka mbajtur dy maska. Ende nuk dihet arsyeja pse ajo ka qenë e pajisur me dy maska, ndoshta kjo edhe për shkak të frikës së shtuar gjatë kësaj periudhe, ku edhe virozat janë më të pranishme. Nga foltorja e Kuvendit, Manastirliu i ka kërkuar qytetarëve që të mos dëgjojnë zërat e opozitarëve. Në fjalën e saj, ministrja u shpreh se vendi ka 1600 shtretër të lirë, për të përballuar gjithë situatën e pandemisë në vendin tonë.
“Skenarët tanë përfshijnë numrin e 1600 shtretërve për të përballuar të infektuarit në të gjithë vendin. 7 mln euro ka qenë mbështetja për bonusin special. Për vitin që vjen, do të ketë rritje historike pagash. Qeveria është angazhuar me COVAX për vaksinën anti-COVID.
Nuk do të doja çfarë do të kishte ndodhur, nëse nuk do të kishin investime. Ne e kemi ndërtuar këtë sistem të urgjencës kombëtare, falë vizionit të Ramës dhe punës së kolegut Beqja. Investimi nuk do të mungojë asnjë herë.
Asnjë qytetar nuk ka mbetur pa shërbim. Mundet të bëjmë edhe më shumë, ndaj filluam përfshirjen e paketës së rimbursimit. I them çdo qytetari me zemër, që mos kini frikë të shkoni në spital. Mos ejani vonë në spitale. Mos dëgjoni ata që thonë se nuk ka shtretër dhe mjekët nuk iu shërbejnë.
Nuk e bëjnë për ju. E bëjnë për pushtetin e tyre. Është koha për të besuar ekspertët dhe mjekët. Sot nuk është koha për retorika boshe, mos dëgjoni ata që nuk u kujdesën ndonjëherë për ju. Është koha për të ndihmuar njëri-tjetrin dhe për të zbatuar rregullat”, tha Manastirliu.
