Teksa e konsideron me mjaft sukses fazën e parë të epidemisë, ministrja Ogerta Manastirliu ka ndarë video-mesazhin e mjekëve dhe infermierëve të spitalit #COVID2. Ministrja thekson se bluzat e bardha që trajtojnë pacientët me koronavirus, kanë bërë një punë heroike në vijën e parë të betejës, me armikun e padukshëm.
Kruja është qyteti që ka numrin më të lartë të të infektuarve aktivë, duke e tejkaluar edhe Tiranën. Analizat laboratorike të Institutit të Shëndetit Publik, në 24 orët e fundit kanë identifikuar 6 raste të reja me Covid-19. Po kështu, ekspertët vlerësojnë se vendi e ka kaluar fazën e parë të pandemisë.
Statusi
Stafi mjekësor i spitaleve #COVID e ka përballuar me sukses fazën e parë të epidemisë. Pavarësisht pasigurisë nga e panjohura, rrezikut e frikës për vete dhe familjarët, mjekët, infermierët dhe i gjithë stafi i spitaleve që trajtojnë pacientët me #covid19 kanë bërë një punë #heroike në vijën e parë të betejës me armikun e padukshëm.
Dëgjoni eksperiencën dhe përjetimet e mjekëve dhe infermierëve të spitalit #COVID2, spitalit universitar “Shefqet Ndroqi”
