Ministrja e Shëndetësisë, Ogerta Manastirliu, njofton se është shëruar nga koronavirusi një tjetër punonjës i personelit shëndetësor, duke e çuar në 41 numrin total në radhët e bluzave të bardha.
Në komentin e radhës në Facebook, ministrja thekson sot nuk ka asnjë mjek apo infermier që po trajtohet në spital për COVID-19, dhe se 70% e të prekurve ndërmjet bluzave të bardha janë plotësisht të shëruar.
Teksa betejën me koronavirusin e kanë fituar mjekët e infermierët, nga ana tjetër, po shtohet numri i të infektuarve në radhët e qytetarëve. Në 24 orët e fundit janë konfirmuar 25 raste të reja të prekur me koronavirus. COVID-19 deri më tani u ka marrë jetën 26 personave.
Njoftimi
Edhe 1️⃣ personel shëndetësor i shëruar në Tiranë, mes 18 të shëruarve në 24 orët e fundit! Janë 4️⃣1️⃣ personel shëndetësor të #shëruar nga COVID-19 ✅
Por #LajmiMëIMirë është se SOT, nuk kemi asnjë mjek dhe infermier që po #trajtohet në spital për #COVID19 dhe 70% e të prekurve ndërmjet bluzave të bardha janë plotësisht të shëruar!
Deri tani janë 3️⃣4️⃣5️⃣pacientë dhe staf mjekësor që e kanë fituar betejën me ?#COVID-19?
