Ministrja e Shëndetësisë dhe Mbrojtjes Sociale Ogerta Manastirliu, në një intervistë televizive theksoi se qytetarët duhet të tregohen shumë të kujdesshëm.
Në vijim, Manastirliu u bëri thirrje atyre që të ndjekin me përpikmëri udhëzimet e qeverisë.
Gjithashtu ajo deklaroi se rezultati i sotëm nuk është përcaktues.
“Dita e sotme nuk mund të jetë përcaktuese. Jemi në ditën e 28 të epidemisë, ekspertët besojnë se kemi arritur në një rënie të kurbës. Nuk mund të themi që rezultati sot, nesër, është përcaktues. Ne duhet të shohim se si do eci hetimi epidemiologjik në terren.
Ky virus na tregon që ka shumë të panjohura. Duhet të tregohemi të matur dhe të kujdesshëm. Duhet të tregohemi të kujdesshëm për masat. Është një situatë që nuk e dimë se si do përballemi në të ardhmen me këtë virus”, tha Manastirliu.
