Deputeti Lefter Maliqi ka bërë thirrje për protesta kundër qeverisë Rama, gjatë fjalës së tij në Kuvend.
Ai akuzon qeverinë Rama se duan ta bëjnë Reformën Zgjedhore, ashtu siç ata duan. Ai ka dënuar edhe propozimin e kreut të që qeverisë për legalizimin e kanabisit, duke u shprehur se “hashashi nuk mund të legalizohet nga njeriu i krimit”.
“Nuk dua të bëj replikë, por dua t’iu bëj me dije shqiptarëve se Reformën Zgjedhore do ta bëjnë siç duan këta. Të gjithë e keni parë armikun te dera, armikun e padukshëm, armikun e shqiptarëve, armiku i shqiptarëve është këtu, që mungon sot, ky që do të legalizojë hashashin, të fusë drogën në Shqipëri. Hashashi nuk mund të legalizohet nga njeriu i krimit, i hashashit, i drogës. Veprimet çnjerëzore të tij janë të mëdha, ashtu siç ka përdorur gazin lotsjellës ndaj grave e fëmijëve. Ky nuk ikën nga pushteti, ka ardhur koha të ngrihemi në protesta. Kjo duhet të ndodhë, ndryshe këtë Shqipëri po e merr lumi”, tha ai.
