Një aksident i rëndë me pasojë jetën ka ndodhur mëngjesin e sotëm në zonën e Shkodrës. Një automjet ka dalë nga rruga në aksin rrugor Shkodër-Velipojë, ku për pasojë ka ndërruar jetë një person.
Nuk dihen ende shkaqet e këtij aksidenti, dhe as identiteti i viktimës.
Policia dhe forcat zjarrfikëse ndodhen në vendin e ngjarjes, dhe po punojnë për nxjerrjen e automjetit nga kanali.
Lidhur me këtë aksident është ngritur një grup hetimor, dhe po punon për zbardhjen e plotë të dinamikës.
