Në sajë të megaoperacionit të zhvilluar nga policia italiane, 15 persona janë arrestuar mëngjesin e ditës së sotme. Mësohet se tre prej tyre janë shtetas shqiptarë.
Falë këtij operacioni që u angazhuan rreth 100 karabinierë të Bergamos, Milanos dhe Bolzanos, me mbështetjen edhe të Policisë Kriminale Shqiptare, u gjetën dhe sekuestruan 24 kilogramë kokainë, gjysmë kile heroinë, 1 pistoletë dhe mbi 300 mijë euro para.
Sipas mediave italiane, qarkullimi i aktivitetit kriminal të zbuluar vlerësohet 6 deri në 7 milionë euro, për një “raund” droge, për rreth 100 kg në një vit e gjysmë.
Përveç strukturës organizative dhe identifikimit të detyrave të paligjshme të kryera nga secili person i grupit, hetimet bënë të mundur gjetjen e një flote të madhe automjetesh të përdorura për shpërndarjen e drogës me fund të dyfishtë.
Në apartamente shpërndarjen e bënin “korrierët e huaj”, të cilët përdornin makina me targat franceze dhe gjermane. Në makina ishin krijuar vende të posaçme për fshehjen e mbi 100 kilogramëve drogë. Po ashtu, në mediat fqinje thuhet se banda kishte në përbërje më shumë anëtarë shqiptarë.
