Lidhur me shpërthimin në flakë të mjetit të vëllait të ish-Presidentit Bujar Nishani, Ilir Nishani, detaje të reja janë hedhur në dritë.
Sikundër e njoftoi policia, shpërthimi ka ndodhur në qendër të Durrësit, dhe ka qenë shumë i fuqishëm, sa ka krijuar panik te qytetarët.
Në një intervistë të shkurtër nga vendi i ngjarjes për ‘News 24’, Ilir Nishani tha se dyshon se është defekt në impiantin e gazit.
“Dëgjova një zhurmë, pashë flakët nga pas makinës dhe më pas edhe përpara. Zbrita menjëherë, ktheva kokën dhe pashë flakët. Dyshoj se është defekt në impiantin e gazit, asgjë tjetër. Sot në mëngjes kur dola nga garazhi, lashë pas një erë të rëndë gazi”, tha Nishani.
