Më shumë se 15 persona janë shoqëruar nga policia e Vlorës, lidhur me atentatin e një ditë më parë në zonën e “Ujit të Ftohtë, ku u vranë dy persona dhe u plagos një tjetër. Zona ku u shënua atentati duket se ishte mirëmenduar, kjo për shkak të mungesës së kamerave të sigurisë që mund të çojnë në identifikimin e autorëve.
Policia ka ngritur një grup të posaçëm për ngjarjen, por nuk jep detaje për krimin e radhës që dyshohet se lidhet me larjen e hesapeve mes grupeve kriminale në Vlorë.
Pista e hetimeve
Një pjesë e pistave që po hetohet është edhe ajo e njohur në Vlorë si seria e hakmarrjes së Llanajve, përgjegjës për masakrën me tre viktima të Çolës, pasi Sulejmani është dyshuar si porositës i atentatit ndaj Ferdinand Llanajt në vitin 2017.
Pasojë e kësaj sage, dyshohet se janë edhe vrasja e Albano Xhaferrit dhe zhdukja e Elvis Troqes, sikurse edhe atentati ndaj ndaj Mikel Mehmetit.
Armando Sulejmani, personazh i njohur i krimit në Vlorë, i ka mbijetuar edhe një atentati më 23 maj të vitit 2016, kur u sulmua pranë shtëpisë me armë zjarri, ndërsa mbeti i plagosur në krah.
Ndërsa Arjan Hasani rezulton i përfshirë në dosjen e përgjimeve për 23 ton drogë në Vlorë.
Ndërtohet skena/Atentati ndaj ‘Çipurit’, policia shoqëron 15 persona
