Presidenti francez, Emmanuel Macron ka mposhtur koronavirusin. Pas shfaqjes së simptomave të para, ai menjëherë u vetëizolua, dhe gjatë kësaj periudhe ka patur përmirësim të gjendjes shëndetësore.
Macron tashmë mund të dalë nga karantina, pasi është vetizoluar për shtatë ditë, ka thënë zyra e Pallatit Elysee.
Macron ka rezultuar pozitiv më 17 dhjetor, duke shtyrë autoritetet që të nisin përpjekjet për të gjurmuar kontaktet e tij, pas një morie vizitash që ka realizuar me shefat e Bashkimit Evropian.
