E enjte, 21 Tetor, 2021
12.5 C
Tirana

LVV: Numëruesit vendosën shenjën ‘X’ sipas dëshirës në fletën e votimit (Video)

Lëvizja Vetëvendosje me qendër në Shqipëri, vijon të nxjerrë fakte që sipas kësaj force politike, tregojnë se si u manipuluan zgjedhjet parlamentare të 25 prillit.

Vetëvendosje publikoi një video në rrjetet sociale, ku shihet se në KZAZ Nr.79 në Tepelenë, anëtarët e numërimit të votave, vendosin shenja “X” në fletët e votimit gjatë procesit të numërimit.

Kjo është hera e dytë që LVV kryen këtë denonciom, teksa shprehet se videoja e publikuar është siguruar nga Komisioni Qendror i Zgjedhjeve.

Postimi i Vetëvendosjes në rrjetin social, Facebook

Ende asnjë masë nuk është marrë për këtë krim elektoral

Në qytetin e Tepelenës, në Pallatin e Kulturës Tepelenë, saktësisht KZAZ Nr.79, në datën 26.04.2021, është konsumuar kjo vepër penale në bashkëpunim mes gjithë anëtarëve të Grupit Numërues të Vendit të Numërimit të Votave, të cilët kanë vendosur sipas dëshirës shenja “X” në fletët e votimit gjatë procesit të numërimit.

E kemi denoncuar edhe më herët këtë vepër penale, me një tjetër video amatoriale në datën 26 prill 2021. Kësaj radhe po nxjerrim pamjet filmike të kamerave 360 gradë që kemi siguruar nga KQZ-ja. I njëjti material filmik është depozituar edhe mbrëmë si provë në ankesën e dorëzuar nga Kandidati i Pavarur Kreshnik Merxhani në KQZ/KAS.

Ne kërkojmë marrjen e menjëhershme të masave administrative nga KQZ-ja dhe ndjekjen penale të menjëhershme për këtë rast nga organet e drejtësisë. Pavlefshmëria dhe përsëritja e zgjedhjeve është standardi minimal për të nisur rimëkëmbjen e demokracisë.

Tiranë, 11 maj 2021

Lëvizja VETËVENDOSJE!

Qendra në Shqipëri

- Reklama -

Më shumë nga kategoria




Të fundit

Dhunoi kryebashkiakun e Selenicës, pranga 57-vjeçarit. Dalin dyshimet e para

Një 57-vjeçar ka rënë në prangat e policisë së Vlorës, pasi akuzohet se ka goditur kryetarin e Bashkisë së Selenicës, Pëllumb Binaj. Pas hekurave...

Shto ujë e shto…komisione

Nga: Skënder Minxhozi Lulzim Basha po përpiqet të krijojë një axhendë paralele me "Foltoren" e Sali Berishës, e cila po gërryen prej javësh jo vetëm...

Rrjedhin dokumentet konfidenciale, si lobojnë shtetet për ngrohjen globale

Një rrjedhje e madhe e dokumenteve të parë nga "BBC News", tregon se si vendet po përpiqen të ndryshojnë një raport shkencor vendimtar, se...

Veshka e derrit transplantohet te njeriu (FOTO)

Për herë të parë, një veshkë derri është transplantuar në një njeri, pa shkaktuar refuzim të menjëhershëm nga sistemi imunitar i marrësit, një përparim...

Shpërthim i fuqishëm gazi në Kinë/Publikohen pamjet ‘apokaliptike’ (VIDEO)

Të paktën 3 persona u vranë dhe më shumë se 30 u plagosën në një shpërthim të fuqishëm në një restorant, në qytetin verilindor...