Më 14 qershor, gardisti Feim Dollapaj, shoqërues i kreut të Partisë Demokratike, është takuar me ministrin e Brendshëm, Sandër Lleshaj.
Arsyeja është se ministri Lleshaj pretendon se zotëron informacione se Basha është në rrezik.
Pas kësaj, sekretari i përgjithshëm i PD-së, Gazmend Bardhi i është drejtuar ministri me një shkresë, ku i shkruan Lleshajt se ka shkelur çdo procedurë dhe çdo mënyrë institucionale të trajtimit të kësaj çështjeje. Bardhi i kërkon Lleshajt mënyrën se si e mori informacionin për rrezikun që i kanoset Lulzim Bashës , duke dyshuar se takimi me Dollapajn ka qenë për të shantazhuar kreun e PD.
“Duke patur parasysh rrethanat, kur dhe si është zhvilluar ky takim dhe shkeljen e standardeve ligjore dhe institucionale nga ana juaj, në trajtimin e informacionit që pretendoni se posedoni, përforcohet dyshimi që qëllimi i vërtetë i takimit ka qenë shantazhimi i kryetarit të opozitës”, shkruan Bardhi.
