Një sherr i nisur në Levan të Fierit është përshkallëzuar më pas në ambientet e urgjencës së spitalit, me përdorimin e armëve të zjarrit. Drejtori i Policisë së Fierit, Andon Marko, thotë se një prej agresorëve i ka marrë pistoletën policit të Patrullës, dhe ka qëlluar brenda ambienteve të spitalit.
Nga ana tjetër, drejtoresha e spitalit të Fierit, Nevila Shuke ka deklaruar se i gjithë stafi ndodhet në gatishmëri për të shpëtuar personat që kanë mbetur të lënduar.
“I gjithë spitali është në gatishmëri për të shpëtuar personat që janë në spital. Stafi po punon. Nuk ka vend për panik”, u shpreh Shuke.
