Para disa javësh, SHBA-ja dhe Kina nënshkruan marrëveshjen e parë të bashkëpunimit për tregjet financiare. Megjithatë, pavarësisht se palët janë ulur në tavolinë “lufta e ftohtë” ndërmjet dy superfuqive nuk duket se do të ketë fund.
Këtë herë beteja është zhvendosur në aspektin teknologji. 5G, mikroqarqe dhe inteligjencë artificiale. Ky është fronti i ri luftës ndërmjet të dyjave, çka ra në sy dhe në në Forumin Ekonomik Botëror.
“Thellë-thellë, bota është duke u bashkuar teknologjikisht, gjithçka është e ndërlidhur. Një botë e ndarë? Nuk e besoj një gjë të tillë”, tha Ren Zhengfei, themeluesi i gjigantit kinez të telekomit, “Huawei”.
Përveç 5G, gjigantët kinezë të internetit Baidu, Alibaba ose Tencent, të nxitur nga Pekini, po zhvillojnë platforma të inteligjencës artificiale, makina autonome ose objekte të lidhura, të dallueshme nga ato të zhvilluara në Luginën e Silikonit, nga Google ose Amazon.
Nga ana tjetër, SHBA-ja ka inkurajuar partnerët e saj evropianë që të përjashtojnë nga bashkëpunimi kompanitë si Huawei, pasi sipas tyre e gjithë aleanca e tyre rrezikohet nga spiunimi që mund të vijë nga këto kompani.