Politikë

“Unë e përzura për leckash”, Berisha akuzon Bashën se dështoi të rrëzonte Ramën


               Publikuar në : 08:46 - 24/01/20 M S

Mbrëmjen e djeshme, Berisha ka dhënë sinjalet e para për një krisje të marrëdhënieve me Bashën. Në studion e “Opinion”, Berisha sulmoi drejtpërdrejt kryedemokratin, ndërsa e akuzoi se dështoi të rrëzonte Ramën. Sipas tij, Basha nuk diti të përdorë protestat për të larguar kryeministrin. Në intervistën e djeshme, Berisha ka dërguar një sërë mesazhesh në drejtim të Bashës. Ai deklaroi se nuk duhet të ketë bojkot të zgjedhjeve të ardhshme, por e bëri të qartë se nuk duhet të lejohet që Rama të jetë kryeministër. Pra, Berisha po ja bën të qartë Bashës se nuk duhet të negociojë që të shkojë qoftë dhe në zgjedhje të parakohshme me Ramën kryeministër.

“Opozita nuk realizoi dot dy qëllime të tjera: Rrëzimin e Edi Ramës dhe shkuarjen në zgjedhje të tjera. Në këtë realitet, opozita kishte qëllim vetëvrasjen me atë vendim që bëri? Jo. Fitorja më e madhe do të ishte rrëzimi i Ramës.

Opozita nuk arriti të trajtojë revoltën e madhe që ekzistonte me mosbindjen civile të shkallës së atillë, sa t’i jepte Ramës shkelmën e madhe. Asnjë faktor ndërkombëtar nuk merrte përsipër të mbronte Ramën, nëse opozita do kishte gjetur rrugën efiçente të mosbindjes civile.

Opozita duhej të stacionohej në bulevard me të apo mbi të. Unë Ramën e përzura për leckash. Mos ma përmend më Ramën se me lecka e nxora nga bulevardi. Një nga format është kjo, se mund të kishte të tjera. Këto forma nuk u përdorën”, tha Berisha.

 


Kthehu
WhatsApp Denonco ne TT