Ambasadorja amerikane në vendin tonë, Yuri Kim ka marrë pjesë në Seminarin e OSBE-së mbi “Adresimin e Krimit të Organizuar dhe Korrupsionit nëpërmjet Ripërdorimit të Pasurive Kriminale të Konfiskuara.
Kim ka rikonfirmuar mbështetjen e SHBA për Shqipërinë në këtë fushë, teksa paralajmëron se puna e mirë s’ka mbaruar dhe se institucionet s’mund të qëndrojnë të qeta me sukseset e mëparshme.
Ajo garanton se për SHBA lufta ndaj krimit të organizuar është prioritet dhe do të punohet drejtpërdrejt me qeverinë shqiptare për ta goditur fenomenin.
Njoftimi i Ambasadës Amerikane
”Qeveria e SHBA qëndron në krah të popullit shqiptar në luftën tuaj kundër krimit të organizuar dhe korrupsionit. Ne do të vazhdojmë të punojmë drejtpërdrejtë me ju, me qeverinë dhe shoqërinë tuaj civile, dhe nëpërmjet partnerëve të çmuar si OSBE, për t’u përballur me këtë kërcënim kriminal së bashku dhe për të siguruar qeverisjen e mirë dhe sundimin e shëndetshëm të ligjit që vendi meriton”. Ambasadorja Yuri Kim në Seminarin e OSBE-së mbi “Adresimin e Krimit të Organizuar dhe Korrupsionit nëpërmjet Ripërdorimit të Pasurive Kriminale të Konfiskuara”.
