Shqipëria ka përfituar një ndihmë monetare prej 51 milionë eurosh, nga fondet e alokuara nga BE për rajonin e Ballkanit.
Këto fonde janë shpërndarë për të ndihmuar vendet e Ballkanit në luftën kundër koronavirusit dhe rimëkëmbjen ekonomike.
4 milion euro janë mbështetje për sektorin e shëndetësisë, ndërsa 47 milion euro janë për rimëkëmbjen sociale dhe ekonomike.
Në krahasim me vendet e tjera të rajonit, Shqipëria ka përfituar shumën më të vogël. Ndërsa vendet e tjera do të përfitojnë:
Bosnje dhe Hercegovina: 7 milion € mbështetje për sektorin e shëndetësisë, dhe 74 milion € për rimëkëmbjen sociale dhe ekonomike. Qytetarët e Bosnjës dhe Hercegovinës gjithashtu kanë mundur të kthehen në shtëpi nga Maroku me një fluturim riatdhesimi të BE-së.
Kosova: 5 milion € mbështetje për sektorin e shëndetësisë, 63 € për rimëkëmbjen sociale dhe ekonomike.
Mali i Zi: 3 milion € mbështetje për sektorin e shëndetësisë, 50 milion € për rimëkëmbjen sociale dhe ekonomike.
Maqedonia Veriore: 4 milion € ndihmë e menjëhershme për sektorin e shëndetësisë, 62 milion € për rimëkëmbjen sociale dhe ekonomike.
Serbia: 15 milion € ndihmë e menjëhershme për sektorin e shëndetësisë, 78 milion € për rimëkëmbjen sociale dhe ekonomike.
