Analisti Fatos Lubonja, i ftuar në ‘News 24’ u shpreh se në vend mbizotërojnë dy kriza të mëdha, njëra është politike dhe tjetra lidhet me të gjithë sistemin.
Sipas tij, kriza politike mund të zgjidhet duke rindërtuar ‘fasadën’ dhe për këtë më i interesuar është kryeministri Edi Rama, ndërkohë që opozita po flet kundër.
“Ka një zgjidhje që është rindërtimi i fasadës dhe këtu është interesi më i madh i Ramës. Opozita ka patur një retorikë që shkon kundër kësaj fasade. Për momentin, strategjia e opozitës është që ta lërë pa fasadë. Detyrën kryesore e ka opozita që të imponohet gjithnjë e më shumë”, u shpreh Lubonja.
Për sa i përket protestës së studentëve, Lubonja theksoi se kryeministri Rama bëri çdo gjë për ta nënshtruar si lëvizje dhe kjo ka rritur pesimizmin në shoqëri, pasi sipas tij njerëzit kërkojnë të ikin.
