Luana Vjollca dhe Blendi Fevziu do të jenë në kastin e aktorëve të filmit të Bes Kallakut të titulluar “Falco”. Përgjatë një interviste për “Mirage”, Bes Kallaku theksoi se ka 2 vite e gjysmë që merret me skenarin e filmit komik, të cilin e ka shkruar vetë dhe ka punuar personalisht me të gjithë projektin: “Është jashtëzakonisht shumë serioz. Histori aktuale sa i përket Shqipërisë dhe Kosovës. Nuk zbuloj më shumë, por i premtoj publikut që do të jetë një nga komeditë më të bukura dhe më aktuale”.
Gjithashtu aktori i njohur i humorit ka deklaruar se pjesë e kastit do të jenë aktorë nga Kosova, Shqipëria dhe Italia. Vetë Besi do të vijë si aktor kryesor përveçse si skenarist dhe regjisor. Ai do të luajë personazhin e skifterit, hajdutit të famshëm. Xhirimet e filmit pritet të nisin këtë muaj.
https://www.instagram.com/p/BykSx6YnKFs/?utm_source=ig_embed
