Kreu i grupit Parlamentar të LSI, Petrit Vasili, ka sulmuar rëndë ambasadorin e OSBE në Tiranë, Bernd Borchardt, pasi OSBE vuri para përgjegjësisë opozitën për dhunën e ushtruar mbrëmjen e djeshme në protestë. Në një postim në Facebook, Vasili e cilëson Borchardt si përfaqësues të Rilindjes, i cili ngazëllehet teksa shikon sjelljen kriminale të policisë ndaj protestuesve.
Në vazhdën e akuzave, Vasili shprehet se Borchard është ngulitur në memorjen e shqiptarëve si një i huaj që gjithmonë është sjellë me thikë pas shpine ndaj tyre.
“Reminishenca naziskine te Borchard!!
Borchard perfaqesuesi i de jure i OSBE dhe de facto i rilindjes,teksa shikon sjelljen kriminale te policise ndaj protestuesve, ngazellehet sillet te ishte ndonje perfaqsues i nje organizate naziskine,qe adhuron perdorimin e gazit helmues per eksterminim e zhdukje masive dhe jo si perfaqesuesi i OSBE.
Persa i takon gjoja merakut te Borchard per ligjin dhe institucionet,ky personazh historikisht dhe sistematikisht shume negativ kujton se nuk e mbajme mend se si ky vete bente tifozllek histerik per ndryshimet kushtetuese te prillit 2008, qe shkaterruan ne menyre te pandreqshme Kushtetuten dhe zgjedhjet ne Shqiperi.
Borchard eshte ngulitur ne memorjen e shqiptareve si nje huaj qe gjithmone eshte sjelle me thike pas shpine ndaj tyre.
Interesat e erreta personale te tij e kane nxire edhe imazhin e organizates, qe perfaqeson, duke e shnderruar ate ne nje paradhome te Edi Rames dhe jo ne nje rojtare te paepur te demokracise dhe zgjedhjeve te lira e te ndershme”.
