Përveç ambasadorëve të ndryshëm fillimin e punës nga SPAK sot e kanë përshëndetur dhe aktorët politikë vendas. Nëpërmjet një statusi në facebook ka reaguar dhe zëvendëskryetari i LSI-së Luan Rama. Ai e ka theksuar se mbështetja e SHBA-së është një garanci e madhe për SPAK-un. “Inkurajim, besim dhe mbështetje të plotë për SPAK-un, në zbatim të ligjit me integritet moral dhe profesional”, shkruan Luan Rama.
Reagimi i plote i Luan Ramës
“Me betimin e trupës së prokurorëve të SPAK-ut para Presidentit të Republikës, nis nga puna një prej institucioneve më të rëndësishëm të Reformës në Drejtësi.
Inkurajim, besim dhe mbështetje të plotë për SPAK-un, në zbatim të ligjit me integritet moral dhe profesional.
Suksese SPAK-ut në përmbushjen të misionit dhe pritshmërive në zbatim të ligjit.
Mbështetja e SHBA për SPAK-un, garanci e madhe që shqiptarët të presin me besim jetësimin e një institucioni të pandikuar politikisht dhe kredibël në zbatimin e ligjit, në luftën e vendosur dhe me tolerancë zero ndaj korrupsionit dhe krimit të organizuar”.
