Ndonëse Petrit Vasili nuk i kursen asnjëherë akuzat në drejtim të kryeministrit Rama, ku i fundit sot ka zgjedhur që mos ti kthehet me të njëjtën monedhë. Përkundrazi, ka shmangur çdo përplasje të mundshme. Rama vizitoi sot Qendrën Spitalore Universitare “Nënë Tereza”, për të parë dëmet e shkaktuara nga termeti.
Ai shoqërohej nga Ministrja e Shëndetësisë, Ogerta Manastirliu, ku dhe i bëri një pasqyrim të gjendjes. Sipas ministres, ka patur disa dëme, ku kanë rënë mure në disa shërbime, si tek Kardiologjia, Djegie-Plastika, etj.
Ajo tha se po ndërhyhet në kushtet e emergjencës dhe muret e reja po bëhen me gipse. Teksa shihte muret e rëna, Rama u vendos në rolin e ekspertit, duke u shprehur: “O Zot, veprimtari inxhinierike armiqësore”.
Gjatë inspektimit të mureve, një nga mjeket që shoqëronin kryeministrin Rama, i tha se ato rregullime që janë prishur tani, ishin bërë në kohën kur ministër ishte Petrit Vasili. “Lëre Tit Vasilin tani, se Tit Vasili është shoku yt, jo i imi”, u përgjigj kryeministri.
LSI ka reaguar menjëherë pas prononcimit të kryeministrit Edi Rama nga QSUT, ku inspektoi dëmtimet e shkaktuara nga tërmeti i datës 26 nëntor.
Nënkryetari i LSI-së, Petrit Vasili, ka apeluar ndaj Ramës, që t’ia lërë në dorë ekspertëve të flasin për sigurinë në këto godina.
Vasili nxori dokumentin ku drejtori i Institutit të Ndërtimit, e ka shpallur të pabanueshme godinën e 6 katëshit, siç njihet nga të gjithë qytetarët, deri në riparimin e saj.
“Sot gjithollogu që vete bën ekspertin me ministren e drejtorin e QSUT, me një mjeke të nderuar por që s’kanë hiç të bëjnë me këtë çështje, hyjnë në një godinë që s’duhet të ishte në funksion deri ne riparimin e dëmtimeve”, tha ndër të tjera Vasili.
Pse rrogat rriten në letra, por varfëria rritet në realitet?
