E hënë, 14 Qershor, 2021
14.5 C
Tirana

Lokomotiva dhe vagonët e PD

Nga: Eduard Zaloshnja

Historia 80-vjeçare e sondazheve politike në botë na tregon se, në shumicën dërrmuese të rasteve, kuotat e udhëheqësve të partive janë më të larta se kuotat e partive përkatëse. Kjo gjë ishte e vërtetë për PD-në në qershorin e 2015-ës.

Para zgjedhjeve lokale të 2015-ës, zhvillova një sondazh, nga ekstrapolimi i të cilit më rezultoi se për Bashën (kryetarin zyrtar të PD-së), kishin opinion pozitiv rreth 750 mijë votues me banim në Shqipëri (34% e banorëve në moshë madhore). Ndërkohë, kandidatët për kryebashkiakë të përzgjedhur nga Basha morën 670 mijë vota në ato zgjedhje. Për krahasim, koalicioni i Berishës kishte pas marrë 680 mijë vota dy vjet më parë. Me pak fjalë, Basha iu përmbajt aksiomës 80-vjeçare të sondazheve: Ishte lokomotiva ajo që tërhoqi vagonët…

Le të zhvendosemi dy vjet në kohë. Dhjetë ditë para zgjedhjeve parlamentare të 2017-ës, zhvillova një sondazh, nga ekstrapolimi i të cilit më rezultoi se për Bashën (kryetarin e PD-së), kishin opinion pozitiv vetëm 350 mijë votues me banim në Shqipëri (17% e banorëve në moshë madhore).

Ndërkohë, kandidatët për deputetë të përzgjedhur nga Basha morën në zgjedhje 455 mijë vota. Me pak fjalë, Basha nuk iu përmbajt aksiomës 80-vjeçare të sondazheve: Në këtë rast ishin vagonët që shtynë lokomotivën…

Dhe vijmë në ditët e sotme. Javën e shkuar, kompania IPR marketing (zhvillon sondazhe për RAI-n sa herë ka zgjedhje në Itali) publikoi sondazhin e saj në një televizion në Tiranë.

Nga ekstrapolimi i atij sondazhi, rezulton se rreth 580 mijë votues me banim në Shqipëri janë gati të votojnë sot për PD-në, ndërkohë që vetëm 290 mijë (13.7% e banorëve në moshë madhore) kanë opinion pozitiv për Bashën, kryetarin zyrtar të PD-së. Me pak fjalë, Basha vazhdon të mos i përmbahet aksiomës 80-vjeçare të sondazheve: Edhe në këtë rast janë vagonët që shtyjnë lokomotivën.

Por cili nga vagonët mund të jetë më vendimtari në shtyrjen e trenit elektoral të PD-së. Hamendja është e lehtë për t’u bërë në këtë rast. Sidoqoftë, le të mos mbetemi në fushën e hamendjeve – le t’u referohemi sondazheve.

Nga ekstrapolimi i sondazheve të sipërcituara e të disa sondazheve të tjera, rezulton se, në katër vjetët e fundit, 620-635 mijë votues me banim në Shqipëri kanë opinion pozitiv për Berishën. Ndërkohë, siç u përmend më sipër, kuota aktuale e PD-së është 580 mijë dhe e Bashës vetëm 290 mijë.

Doni më për lokomotivën dhe kryevagonin lëvizës të PD-së?….

Shënim i autorit: Me përkufizim, sondazhet nuk janë instrumente precize – ato kanë një marzh të vogël gabimi statistikor. Sidoqoftë, sondazhet politike shërbejnë për të krijuar një tablo të përafërt të prirjeve elektorale.(AFP.al)

 

- Reklama -

Më shumë nga kategoria




Të fundit

Një ditëlindje dhe një ditëvdekje

Nga Sokol Balla Gramoz Ruçi bën 70 vjeç në dhjetor, por zëre se ditëlindja e tij ka qënë dje. Tre dekadat e jetës politike të...

Euro 2020/ Hollanda mund Ukrainën në ndeshjen emocionuese me 5 gola

Takim i mbrëmjes, ai midis Hollandës dhe Ukrainës është mbyllur me vrull pasi plot 5 gola u shënuan në pjesën e dytë. Hollanda fitoi...

Gurët e tëmthit, shkaktarët dhe të rrezikuarit

Gurët e tëmthit formohen kur lëngu i grumbulluar në fshikëzën e tëmthit mpikset ose ngurtësohet në copa të vogla materiali të ngjashme me gurët....

Takimi Rama-Blinken, ja marrëveshja e nënshkruar. Fjala e Blinkenit dhe Ramës

Kryeministri Edi Rama dhe Sekretari Amerikan i Shtetit, Antony Blinken kanë zhvilluar një takim në Bruksel ditën e sotme. Fryt i këtij takimi ishte marrëveshja...

Itali/ Ngjarje tragjike në Romë, 4 viktima mes tyre autori dhe 2 të mitur

Një burrë i moshuar, 84-vjeçari Salvatore Ranieri, dhe dy vëllezër të moshës 5 dhe 10 vjeç, David dhe Daniel Fusinato, u vranë në Konsorciumin...