Japonezi Kazuioshi Miura, i njohur si njëri prej futbollistëve më të moshuar në botë, nuk ka ndërmend të tërhiqet nga futbolli. Klubi Jokohama konfirmoi paraditen e sotme në orën 11:11 se ka rinovuar kontratën e sulmuesit 53-vjeçar edhe për një vit.
Kjo është hera e pestë që Miura firmos kontratë 1-vjeçare me Yokohaman, fanellën e të cilës e vesh që prej vitit 2005 dhe pavarësisht moshës, po tregon se ka ende për të dhënë në fushën e lojës.
Sezonin e kaluar Kazuyoshi Miura luajti 6 ndeshje zyrtare, 4 prej të cilave në kampionat dhe dy të tjera në Kupën e Ligës, ndërsa nuk shënon gol që prej vitit 2017.
“Mbreti Kazu” luan futboll prej 35 vitesh. Ai ka luajtur në Brazil me Santosin dhe Koritiban, ndërsa në Europë është aktivizuar me Xhenoan dhe Dinamo Zagrebin. Ai konsiderohet si njëri prej futbollistëve më të famshëm japonezë.
✍️ ?????? ?? ??? ???? ?
At 11:11 on January 11th, @yokohama_fc announced big news about their #11: The renewal of 53-year-old forward Kazuyoshi Miura’s contract for the 2021 season! https://t.co/tz6iu2WTs5
— J.LEAGUE Official EN (@J_League_En) January 11, 2021
