Policia e Lezhës ka shkatërruar një tjetër rast të ushtrimit të aktivitetit të paligjshëm të lojërave të fatit. Lidhur me këtë rast është arrestuar në flagrancë një shtetas dhe një tjetër është shpallur në kërkim.
Burimet zyrtare njoftojnë se kanë arrestuar në flagrancë shtetasin E.P., 37 vjeç, banues në Lezhë si edhe u bë shpallja në kërkim policor për shtetasin A.N., 37 vjeç, banues në Ishull, Shëngjin.
Po kështu janë sekuestruar në cilësinë e provës materiale 20 pajisje që përdoreshin për ushtrimin e këtij aktiviteti, dhe një sasi e konsiderueshme lekësh.
Njoftimi i policisë
Lezhë
Falë bashkëpunimit me qytetarët, Policia e Lezhës godet një tjetër rast të ushtrimit të aktivitetit të paligjshëm të lojërave të fatit.
Arrestohet në flagrancë 1 shtetas dhe një tjetër shpallet në kërkim.
Sekuestrohen 20 pajisje që përdoreshin për ushtrimin e këtij aktiviteti dhe një sasi e konsiderueshme lekësh.
Specialistët për Hetimin e Krimeve në Komisariatin e Policisë Lezhë, në vijim të punës për vendosjen përpara përgjegjësisë ligjore të shtetasve të cilët ushtrojnë veprimtarinë e e paligjshme të lojërave të fatit, bënë arrestimin në flagrancë të shtetasit:
-E.P.,37 vjeç, banues në Lezhë si edhe u bë shpallja në kërkim policor për shtetasin A.N., 37 vjeç, banues në Ishull, Shengjin.
Nga informacione të siguruara në rrugë policore si dhe në bashkëpunim të ngushtë me komunitetin, gjatë kontrollit që shërbimet e Komisariatit të Policisë Lezhë ushtruan në Ishull, Shengjin, në ambjentet e lokalit në përdorim të shtetasit E.P., u gjetën 20 kompjutera të markave të ndryshme, në gjendje punë, të cilët u sekuestruan në cilësinë e provës materiale.
Materialet i kaluan Prokurorisë pranë Gjykatës së Shkallës së Parë Lezhë, per vepren penale “Organizimi i lotarive të palejuara”.
