Presidenti Trump dha mesazhin se do të bëhet edhe një marrëveshje paqeje në një zonë të dytë në jugperëndim të Sirisë.
I dërguari special amerikan në luftën kundër ISIS-it Brett McGurk, javën e kaluar tha se zona e re mund të jetë veriu i Sirisë e cila mbart një rëndësi jetësore për Turqinë.
I dërguari special, pavarësisht pytetjeve, nuk dha shumë detaje në lidhje me këtë çështje, por deklaroi se po punohet rreth një plan paqeje që do të përfshijë edhe Afrinin. Washingtoni e di shumë mirë që arritja në një marrëveshje në jugperëndim të Sirisë nuk do të jetë dhe aq e lehtë duke ditur se edhe Rusia ka punuar dhe ka hedhur disa mendime për diskutim rreth këtij plani të paqes.
PROCES I VËSHTIRË
Burimet në Washington që i njohin propozimet e Rusisë cituan këto informacione:
Washingtoni i ka marrë parasysh edhe shqetësimet e organizatës PYD/YPG edhe shqetësimet e Turqisë për paqe. Në Washington presin në çdo moment një sulm të Turqisë në Afrin, gjë e cila SHBA-në e tremb nga ndërprerja e operacioneve luftarake të organizatës YPG kundër ISIS. Sipas propozimeve të shpërdara për diskutim, përfshihet mundësia e një zgjidhjeje PYD/YPG e cila do t’i përshtatet vijave të kuqe të Turqisë.
Washingtoni, duke mos mbajtur fjalën e dhënë, nuk dëshiron kalimin në anën Ruse të organizatës PYD/YPG të cilën deri më sot e ka përdorur si forcë në Siri. Në fakt, sipas informacioneve të mara, në Afrin vazhdojnë takimet e Rusëve me YPG. Tashmë SHBA po kërkon një rrugë zgjidhje e cila nuk do të hidhëronte YPG dhe nuk do të krijonte ndonjë reagim nga Turqia. Sipas një formule, do të ndizet drita jeshile për krijimin e një zone të pavarur Kurte në lindje pa kaluar anën perëndimore të Eufratit.
PLAN I MADH
Por për të realizuar këtë SHBA po punon mbi nja plan akoma më të madh.
- Organizata terroriste YPG, për t’i dhënë leje krijimit të një zone sovrane në lindje të Eufratit, duhet të ndërpresë të gjitha lidhjet me organizatën terroriste PKK dhe të sigurojë se nga zona e saj nuk do të ketë asnjë sulm drejtuar Turqisë. Nëqoftëse kjo marrëveshje shkelet, atëherë SHBA do të ndërpresë të gjitha lidhjet dhe ndihmat me YPG.
- Ndërsa nga Turqia, ngaqë i përshtatet vijës së saj të kuqe, do të kërkohet që kalimet të mbahen të sigurta dhe të hapura për popullin civil Kurt në zonën mes anës lindore dhe Afrinit në perëndim të Eufratit.
QËNDRIMI I RUSISË
Në Washington ndiqet me shumë vëmendje qëndrimi i Rusisë, sepse ky plan është i nevojshëm të aprovohet edhe prej tyre.
Rusët nga njëra anë thonë se do ti sigurojnë mbështetje dhe mundësi Turqisë në Afrin dhe nga ana tjetër vazhdojnë të punojnë në mënyrë të koordinuar me pjesët përbërëse të YPG që gjendet atje.
Rusët ngaqë ndjejnë nevojën e ndihmës së Turqisë në rajon, thanë se do t’i hapin rrugë Turqisë në Afrin pavarsisht YPG-së. Të dyja vendet në këmbim të kësaj, për të krijuar një fushë jo konfliktuale në Idlib ku ndodhet Ushtria e Lirë Siriane dhe grupe radikale, kanë nevojë për ndihmën e Turqisë.
Tashmë Turqisë po i bëhet propozimi, “Ne ju sigurojmë lehtësira në Afrin, ju na bëni të sigurt Idlibin.”
Shansi i Turqisë në luajtjen e kartës Ruse kundër SHBA-së është dobësuar mjaft pas marrëveshjes së veriperëndimit.
Rusia dhe SHBA-të kanë nevojën e Turqisë në rajon. Për të arritur paqen, duke mos e përjashtuar plotësisht YPG, SHBA-ve i duhet që planin e madh që shpjegova më lart ta qëndisë nën mbështetjen e Rusisë.
HaberTurk/Serdar Turgut
TIRANA TODAY
